همس القوافى

أستميحك فيكي أكتب
مرّة من كلمات غناي
يا دليل خاطري المسافر
نجمة ضوَّت في سماي

من زمن أنا ليكْ بفتِّش
لي دروب بتودي ليكْ
لا المراسي تحن عليَّ
ولا السفن جابتني فيكْ
يا شبارقتنا الحنينة الغالية
مشتاق يوم أجيكْ
أحكي آلام بعدي عنِّك
وكيف دموعي بكت عليكْ

يا وهج ضي المداين
ياحنينة
لو بعدنا أنحن منّك جمعينا
فاض وزاد الشوق علينا
مدّي يدّك واحضنينا

يا ترانيم الأغاني الحانية زي
أصوات جروفك
البعيد الحنَّ ليكي
لي متين يرجع ويشوفك؟؟